Байден ва унинг рафиқаси шошилинч эвакуация қилинди
Бунга Президент уйи устига номаълум самолётнинг учиб киргани сабаб бўлган.
АҚШ президенти Жо Байден ва унинг рафиқаси Жилл Байден Делавердаги уйидан шошилинч эвакуация қилинди. Бунга Президентнинг уйи устидаги ҳаво бўшлиғига номаълум самолёт учиб киргани сабаб бўлган.
Оқ уй вакилининг сўзларига кўра, эвакуация эҳтиёт чораси сифатида амалга оширилган.
“Кичик хусусий самолёт чекланган ҳаво ҳудудига кирди... эҳтиёт чоралари кўрилди. Президент ва унинг оиласига ҳеч қандай таҳдид йўқ. Самолёт зудлик билан чекланган ҳаво ҳудудидан олиб чиқилди”,— дейилади Оқ уй матбуот хизмати.
Кейинроқ президент ва биринчи хоним ўз қароргоҳига қайтиб келишганини маълум қилди. АҚШ хавфсизлик ходимларининг тушунтиришича, кичик самолёт Байденниг соҳилидаги уйига, чекланган ҳаво ҳудудига нотўғри кирган.
