Фермерлардан режадан ташқари дон талаб қилишга чек қўйилган — Бош прокуратура
Шу кунгача ғалла етиштирувчиларга қанча маблағ тўлангани очиқланди.
АОКАда Ички бозорда ун ва дон маҳсулотлари нархининг ўсиши ва тақчиллигининг олдини олиш бўйича Республика штаби фаолияти юзасидан брифинг бўлиб ўтди.
Унда сўзга чиққан Бош прокуратура бошқарма бошлиғи Муродилла Абдуҳакимовнинг сўзларига кўра, ғалла мавсуми бошидан буён 170 минг тонна дон корхоналарга топширилди. Ҳозирда бир килограмм буғдой 3 минг сўмдан қабул қилинмоқда. Агар биржада нарх кўтарилса, яна қўшимча ҳақ тўлаб берилиши белгиланди.
Шу кунга қадар фермерларга 146 миллиард сўмлик маблағ тўлаб берилди.
Яна бир муҳим янгилик — ғалла етиштирувчилардан режадан ташқари ортиқча дон талаб қилинишига тўлиқ чек қўйилди. Ушбу жараён прокуратура ходимлари томонидан тўлиқ назоратга олинди.
