Самарқандда тезликни оширган Дамас ағдарилиб кетди
Вилоят ИИБ воқеа тафсилотларини маълум қилди.
Самарқанд вилоятининг Қўшработ туманида 1-июн куни Дамас русумли автомашина ҳайдовчиси йўл-транспорт ҳодисасига учради. Ҳолат бўйича вилоят ИИБ ахборот хизмати маълумот берди.
Хабар қилиничиша, туманнинг “Қўрғон” маҳалласи ҳудудидан ўтувчи 4Р-55 автомобиль йўлининг 15-километрида Дамас ҳайдовчиси катта тезликда ҳаракатланиб келиб, бошқарувни йўқотган ва автомашина йўлнинг ўнг тарафига ағдарилиб кетган.
Ҳодиса оқибатида транспорт воситасида бўлган ҳайдовчи ва икки нафар йўловчи тан жароҳатлари олиб, туман тиббиёт бирлашмасига мурожаат қилган.
Ҳозирда мазкур ҳолат юзасидан Жиноят кодексининг 266-моддаси 1-қисми билан жиноят иши қўзғатилиб тергов ҳаракатлари олиб борилмоқда.
