Саудия Арабистони Исроил билан иқтисодий алоқаларни кучайтирмоқчи
Бу жараёнда қайси давлат воситачилик қилаётгани маълум бўлди.
Саудия Арабистони ва Исроил Вашингтон воситачилигида иқтисодиёт ва хавфсизлик йўналишларида алоқа ўрнатишга ҳаракат қилмоқда. Бу ҳақда The Wall Street Journal хабар берди.
Ар-Риёд Исроил билан расмий муносабатларга эга эмас. Шундай бўлса-да, икки давлат ишчи алоқалар ва хавфсизлик соҳасида келишувга эришмоқчи.
Хусусан, улар АҚШ ёрдамида ўзаро ҳаво ҳудудларидан самолётлар учишига, шунингдек, Ар-Риёднинг Тиран ва Сарафин ҳудудлари устидан тўлиқ назоратини ўрнатиш масаласини ҳал қилиш ниятида. Бу икки кимсасиз орол Миср ва Саудия ўртасидаги Тиран кўрфазида жойлашган. Тиран Иорданиянинг Акаба ва Исроилнинг Эйлат портларининг Қизил денгизга чиқиш йўлида жойлашган.
WSJ хабарига кўра, Исроил бизнесменлари ҳозирнинг ўзидаёқ Саудия Арабистонига келиши мумкин. Бу орқали Ар-Риёд икки томонлама иқтисодий алоқаларни кучайтирмоқчи.
Бундан олдин Саудия мудофаа вазири ўринбосари Холид бин Салмон Вашингтонга ташрифи давомида мамлакат ёшларининг катта қисми Исроил билан дипломатик муносабатлар ўрнатиш тарафдори эканини айтган.
Аввалроқ Жозеф Байденнинг Саудия Арабистонига бориши маълум қилинганди.
