Бред Питт собиқ рафиқаси Анжелина Жолини судга бермоқчи
У Жолини Питтга тегишли бўлган виночилик бизнесига зарар етказишда айбламоқда.
Маълум бўлишича, собиқ жуфтлик ўз вақтида Франциянинг жанубий қисмида жойлашган улкан узумзорга эгалик қилишган. Бу ерда етиштирилган узумдан “Миравал” виноси ишлаб чиқарилган.
Питт ва Жоли уни сотиб олган вақтларида узумзордаги ўз улушларини бир-бирларининг розилигисиз сотмасликка келишиб олган. Ажрим қароридан кейин Анжелина Жоли компаниядаги ўз улушини собиқ турмуш ўртоғидан яширинча россиялик миллиардер Юрий Шефлерга тегишли бўлган компанияга сотиб юборган.
Питтнинг вакиллари россиялик тадбиркор виночилик компаниясининг устидан назорат ўрнатишга ҳаракат қилаётгани, бу эса Питт томонидан яратилган бренднинг нуфузига салбий таъсир кўрсатаётганини айтмоқда.
Актёр собиқ рафиқасини судга бериб, у билан россиялик тадбиркор ўртасидаги келишувнинг ҳеч қандай кучга эга эмаслигини исботламоқчи. Питт шунингдек, етказилган зарар учун актрисадан бадал ундиришни ҳам режа қилган.
