Украина низоси халқаро ҳуқуқ доирасида ҳал этилиши керак — Гутерриш
БМТ бош котиби можарони дарҳол тўхтатишга чақирди.
Украина низоси БМТ устави доирасида ҳал этилиши керак. Бу ҳақда Антониу Гутерриш маълум қилди.
Бош котиб бу ҳақда Глобал озиқ-овқат, энергетика ва молиявий инқирозларга муносабат гуруҳи брифингида айтган.
"Сиёсий ечим халқаро ҳуқуқ ва БМТ устави доирасида топилиши керак", — деган у.
Маълумот ўрнида: БМТ Россия-Украина можароси бошидан буён томонларни зудлик билан ўт очишни тўхтатишга чақириб келмоқда. Хусусан, Антониу Гутерриш Москва ва Киевга бориб, Путин ва Зеленский билан музокара ўтказди. Бундан ташқари, БМТ Украина портларида қолиб кетган донни жаҳон бозорига чиқариш устида иш олиб боряпти.
Аввалроқ ЖССТ раҳбари Киевга борганди.
