Тошкент вилоятида 2 кишини поезд босиб кетди

 

Тошкент вилоятида 7 июнь куни поезд уриб кетиши оқибатида икки киши вафот этди. Ҳолат юзасидан Транспорт прокуратураси расмий баёнот эълон қилди. 

Унда айтилишича, 7 июнь куни соат 06:30 да “Термиз-Тошкент–Андижон” йўналишида ҳаракатланган йўловчи поезд “Жалоир-Кучлук” темирйўл бекатлари оралиғида (24-километр, 8 тўсиқда) 26 ёшли С. С. ни уриб кетган. Маълум бўлишича,  фуқаро Ўрта Чирчиқ туман тиббиёт билашмасида 1-гуруҳ ногиронлиги (қулоғида нуқсони бор) бўйича рўйхатда турган бўлган. Ҳодисадан сўнг у ўз эҳтиётсизлиги ҳамда олган тан жароҳатлари оқибатида воқеа жойида вафот этган.

 
Шу куни соат 09:50 да “Боз-су-Чирчиқ” йўналиши бўйлаб ҳаракатланган электровоз “Боз-су-Чирчиқ” темирйўл бекатлари оралиғидаги (31-киллметр, 3-тўсиқ) пиёдалар ўтиш жойида 21 ёшли Р. Ў. ни уриб юборган. Маълум бўлишича, фуқаро Тошкент вилоятининг Чирчиқ шаҳрида нонвойхонада ишчи бўлиб ишлаган. У Чирчиқ шаҳрида жойлашган дўконларга нон олиб бориб бериш мақсадида  велосипед ҳайдаб, қўл телефонидан фойдаланган ҳолда темирйўлдан ўтаётган вақтида поезд уриб кетган. Оқибатда йигит ўз эҳтиётсизлиги ҳамда олган тан жароҳатлари оқибатида воқеа жойида вафот этган. 

Ҳозирда юқорида қайд қилинган ҳолатлар юзасидан Тошкент транспорт прокуратураси томонидан терговга қадар текширув ҳаракатлари олиб борилмоқда.