Акмал Саидов сиёсий партияларни фаолликка чақирди
Бу Конституцияга ўзгартириш киритиш бўйича таклифлар билан боғлиқ.
Бугун Конституциявий комиссиянинг навбатдаги йиғилиши бўлиб ўтмоқда. Комиссия раҳбари Акмал Саидов асосий қонунга ўзгартиришлар киритиш бўйича партияларнинг фаоллиги ҳақида гапирди.
Унинг сўзларига кўра, ҳозирда энг фаол ва кўп таклиф берган Сиёсий партия ЎзЛиДеП бўлиб турибди. Ишбилармонлар ва тадбиркорлар ҳаракати 242 таклиф тақдим этган.
“Умуман, 5 партия фракцияларидан 471 мурожаат келиб тушди. Хусусан, “Миллий тикланиш” 21 та, ХДПдан 108 та, “Адолат” СДПдан 85 та, Экопартиядан 15 та таклиф берилган”, – деб қайд этди Саидов.
Конституциявий комиссия раиси Олий Мажлис вакилларининг фаоллигига алоҳида тўхталди. Жумладан, Қонунчилик палатасининг 61 депутати ва Сенатнинг 11 нафар аъзоси аниқ таклифлар берган.
