Тошкентда вальютафуруш салкам 50 млн сўмни долларга алмашаётган вақтида қўлга тушди
Унга нисбатан Жиноят кодексининг 177-моддаси билан иш очилган.
Тошкент шаҳрининг Зангиота туманида валюта айирбошлаш фаолияти билан шуғулланиб келган фуқаро қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Қайд этилишича, Департамент ҳамда ИИБнинг Зангиота тумани бўлимлари томонидан тезкор тадбир ўтказилган. Унда Чилонзор тумани “Бектўпи” бозор ҳудудида мунтазам валюта айирбошлаш фаолияти билан шуғулланиб келган А. Т. фуқаро У. га 4300 АҚШ долларини 47,4 млн сўмга сотган вақтида ашёвий далиллар билан ушланган.
Мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.
