World bank бутун дунëда стагфляция хавфидан огоҳлантирди

 

Жаҳон иқтисодиётидаги секинлашув ҳамда инфляциянинг ўсиши стагфляция хавфини ошириб, бунинг оқибатлари ҳам ўрта, ҳам паст даромадли мамлакатларга таъсир ўтказади, деб деб хабар беради World Bank Жаҳон банкининг июн ойи учун жаҳон иқтисодий прогнози бўйича ҳисоботида.

 

Глобал иқтисодий ўсиш ўтган йилдаги 5,7 фоиздан 2022 йилда 2,9 фоизгача пасайиши мумкин, бу январь ойида кутилган 4,1 фоиздан анча паст. Салбий тенденция 2023-2024 йилларда давом этади.

 

Ривожланган мамлакатларда ўсиш 2021 йилдаги 5,1 фоиздан жорий йилда 2,6 фоизгача, яъни январ ойидаги прогноздан 1.2 фоизга камайиши эҳтимоли мавжуд. 2023 йилда бу кўрсаткичнинг 2,2 фоизгача тушиши кўп жиҳатдан фискал ва пул-кредит сиёсатини қўллаб-қувватлаш заифлашганини билдиради.

 

Хусусан, ривожланаётган мамлакатларда ҳам ўсиш пасаяди.

 

Ҳисобот глобал иқтисодиёт учун энг ёмон оқибатларнинг олдини олишда кучли глобал ва миллий сиёсат чоралари зарурлиги қайд этади.