Ўзбекистон—Ироқ футбол баҳсида мухбир яраланди
Мухлислар томонидан отилган тош унга келиб тегган.
Кеча, 11 июнь куни Ўзбекистон — Ироқ ўйинида мухлислар томонидан отилган тош UzNews.uz фотомухбирининг кўкрак қафасига келиб тегди. Бу ҳақда мазкур нашр хабар қилмоқда.
Маълум қилинишича, уйиннинг 12-дақиқасида Ўзбекистон терма жамоаси дарвозабони рақиб футболчисига нисбатан қўполлик қилган. Шундан сўнг ҳакам томонидан унга қизил карточка кўрсатилган. Ҳакамнинг қароридан норози бўлган футбол мухлислари “тошбўрон” уюштирган..
Майдонга қарата отилган тош UzNews.uz фотомухбирига келиб тегган ва у ҳушуни йўқотиб ерга йиқилган. Ушбу ҳолатдан сўнг шифокорлар биринчи тез тиббий ёрдам кўрсатишган ва фотомухбир Республика шошилинг тез тиббий ёрдам илмий марказига жўнатилган.
