Тошкент шаҳрида бир қатор кўчалар 7 соатга ёпилди
ИИВ ЙҲХХ чеклов сабабини маълум қилди.
Тошкент шаҳрининг Чилонзор туманида бир нечта кўчалар қурилиш-таъмирлаш ишлари олиб борилиши муносабати билан 7 соатга вақтинча ёпилди. Бу ҳақда ИИВ ЙҲХХ Матбуот хизмати хабар берди.
Қайд этилишича, чеклов 15 июнь куни соат 17:00 дан соат 24:00 гача бўлган вақтгача амал қилади.
Автомашиналар ҳаракати чекланаётган кўчалар:
— Муқимий ва Чилонзор кўчалари чорраҳасидан, Чилонзор ва КХАЙ кўчалари чорраҳасигача бўлган қисми;
— Муқимий ва Арнасой кўчалари чорраҳасидан, Чўпонота ва Арнасой кўчалари чорраҳасигача бўлган қисми;
— Бунёдкор иккинчи даражали кўчасидан-Чўпонота кўчасигача бўлган қисми.
“Юзага келаётган ноқулайликлар учун узр сўраймиз ва айланма йўллардан фойдаланишни тавсия қиламиз”, — дейилади хабарда.
