Деновда юк ортилган Камаз ёниб кетди
Ҳолат юзасидан вилоят ФВБ маълумот берди.
Сурхондарё вилояти Денов туманида 14 июнь куни юк ортилган Камаз автомобилида ёнғин содир бўлди. Ҳолат юзасидан вилоят Фавқулодда вазиятлар бошқармаси Матбуот хизмати расмий муносабат билдирди.
Қайд этилишича, шу куни соат 13:20 да Денов тумани “Бобур” МФЙ Шаҳринав кўчаси ҳудудидан ўтувчи махаллий йўлда Камаз русумли юк автомашинасида сомон пресслари ёнаётганлиги тўғрисида Сурхондарё вилояти Фавқулодда вазиятлар бошқармасига хабар келиб тушган.
Шунга кўра, воқеа жойига 2 та ёнғин-қутқарув экипажи жалб этилган. Соат 13:32 да автомашина ўраб олинган ва 14:00 да олов тўлиқ ўчирилган. Ёнғиндан сомон пресслари ва Камаз автомобили зарарланган. Ҳозирда ёнғин сабаби ва зарари аниқланмоқда.
