Нур-Султон Россияга қарши иқтисодий санкцияларга қўшилдими?
ОАВда Россиянинг 1700 вагон кўмири Қозоғистон ҳудудида тўхтатиб қўйилгани ҳақида хабарлар тарқалган.
Қозоғистон саноат ва инфратузилма тараққиёти вазирлиги бу хабарларни инкор этди.
“Саноат ва инфратузилма тараққиёти вазирлиги транспорт қўмитаси расман маълум қиладики, ушбу хабарлар фейк ҳисобланади”,– дейилади вазирлик баёнотида.
Вазирлик аслида мамлакат ҳудудида ҳеч қандай 1700 вагон кўмир йўқлигини маълум қилган. Шу билан бирга темирйўл линияларида ҳеч қандай кўмир ортилган вагонлар мавжуд эмас.
“Темирйўлларда ҳеч қандай узилишлар йўқ — экспорт ва импорт одатдаги тартибда амалга оширилмоқда”, – деб қайд этилган баёнотда.
Саноат ва инфратузилма тараққиёти вазирлиги бу фейк маълумотларни икки давлатнинг ҳамкорлик алоқаларини бузишга қаратилганини таъкидлаган.
Аввалроқ Қосим-Жўмарт Тўқаевнинг Россия орденини олишдан бош тортгани тўғрисида хабарлар тарқалганди. Аммо бу кейинчалик Кремль томонидан инкор этилди.
