Россия олигархларининг ЕИдаги салкам 13 млрд евролик активлари музлатиб қўйилди
Блокланган активлар ҳажми жорий йилнинг апрел ойидан буён деярли икки бараварга ошди.
Россия олигархлари ва институтлари Европа Иттифоқи санкциялари натижасида харажати 12,5 миллиард евродан ортиқ қимматбаҳо яхталар, вертолётлар ва кўчмас мулк каби активлари устидан назоратни йўқотди. Бу ҳақда dw.com нашри маълум қилди.
«Россиялик олигархларнинг блокланган активлари ҳажми жорий йилнинг апрел ойидан буён 6,7 миллиард евродан 12,5 миллиард еврогача деярли икки бараварга ошди», — деди Европа Комиссияси адлия комиссари Кристиан Виганд Die Welt нашрига.
У блокировка қилинган активларнинг кескин ўсишини сўнгги ҳафталарда, хусусан, Германияда россиялик олигархларга тегишли кўплаб объектларнинг аниқланиши ва блокланиши билан изоҳлади.
