Байден ёқилғи солиғини бекор қилиши мумкин
Бу чора АҚШда бензин нархини барқарорлаштириш учун амалга оширилади
Жозеф Байден федерал ёқилғи солиғини вақтинчалик бекор қилиши мумкин. Бу ҳақда The Wall Street Journal газетаси хабар берди.
Нашр маълумотларига кўра, Америка етакчиси ва унинг маслаҳатчилари бу масалани бир неча ойдан буён муҳокама қиляпти. Чоршанба куни президент мамлакатда бензин нархи бўйича вазият юзасидан чиқиш қилиши кутилмоқда.
Шу билан бирга ҳар бир галлон (3.785 литр)бензиндан 18.4 цент солиқ ундирилишини бекор қилиш учун Конгресс розилиги талаб этилади. Шу сабабли кўпчилик кузатувчилар бу қарорнинг рамзий аҳамиятга эгалигини таъкидлаган.
Газетанинг ёзишича, Конгрессдаги ҳам демократлар, ҳам республикачиларнинг аксарияти ёқилғи солиғи бекор қилинишига қарши. Улар бу каби чоралар нарх барқарорлашувига таъсир ўтказа олишига ишонмаяпти.
Аввалроқ АҚШ сенатори мамлакатда бензиндан кўра кокаин сотиб олиш осонлигини айтганди.
