Хитойда буғдой ва саримсоқ пиёз эвазига уй сотиб олиш имконияти пайдо бўлди
Бу имконият мамлакатда кўчмас мулкка талаб пасайиши фонида юзага келган.
Хитойнинг Central China Real Estate қурилиши компанияси янги қурилган уйлар учун озиқ-овқат маҳсулотларида тўлов қилишга рухсат берди. Бу ҳақда Bloomberg хабар берди.
Бундан ташқари, дастлабки тўлов сифатида фермерлар саримсоқ пиёз ёки буғдой кўринишидаги маҳсулотларни киритиши мумкин. Хусусан, улар 160 минг юанлик буғдой билан тўловни амалга ошириши имкони яратилган. Бундан кўзланган мақсад Хэнань провинцияси, Шанцю шаҳридаги River Mansion тураржой комплекси қурилишини тугатишдан иборат. Ҳозирда Хитойда кўчмас мулкка бўлган талаб кескин пасайган. Компания ўз лойиҳаларига кўпроқ харидор жалб қилиш учун шу ишга қўл урган.
Бу келишув фермерларга катта қулайлик яратади: Central China буғдойнинг бир килограммини 4 юанга баҳолаган. Давлат эса унга максимал 3-3.1 юань тўлайди. Бундан бир ой илгари компания саримсоқ пиёзнинг 1 килограммига 10 юань таклиф қилганди.
Аввалроқ Хитой ва Россияни боғловчи темирйўл кўприги қурилиши якунланганди.
