Байденнинг рейтинги янада тушиб кетди
Кетма-кет тўртинчи ҳафта кўрсатгичлар пасайиб бормоқда
АҚШда ўтлазилган сўровлар президенти Жо Байденнинг рейтинги энг ёмон даражага тушиб кетганини кўрсатди.
Президент Байденнинг рейтинги кетма-кет тўртинчи ҳафта пасайиб, 36 фоизни ташкил этди, бу охирги марта қайд этилган энг паст натижадир, — дейилади Reuters агентлиги хабарида.
Маълумотларга кўра, ўтган август ойидан бери Байденнинг рейтинги 50 фоиздан паст бўлиб келмоқда. Агентликнинг таъкидлашича, бу ноябр ойида бўлиб ўтадиган оралиқ сайловлар олдидан Демократик партия учун ташвишли белгидир.
Сўров 1002 респондент, жумладан, 435 демократ ва 379 республикачи ўртасида онлайн тарзда ўтказилди.
