Шанхайда электромобил 3-қаватдан қулаб тушди
Ҳодиса оқибатида 2 киши ҳалок бўлган.
Хитойнинг Шанхай шаҳрида “Nio” русумли электромобил офис биносининг учинчи қаватидаги автотураргоҳдан қулаб тушди. Бу ҳақда “CNBC” нашри хабар бермоқда.
Қайд этилишича, воқеа 22 июнь куни куни Пекин вақти билан 17:20 атрофида содир бўлган. Ҳодиса оқибатида автомашина салонида бўлган икки киши вафот этган. Ҳозирда “Нио” компанияси томонидан автоҳалокат сабабларини аниқлаш ишлари олиб борилмоқда.
Маълумот учун: “Nio” — Хитойдаги бир қатор электр автомобил брендларидан бири ҳисобланади. Уни баъзан “Тесла Хитой қотили” деб ҳам аташади.
