5 та давлат Хитойга қарши иттифоқ тузди
У “Тинч океанидаги ҳамкорлар” деб номланган.
Австралия, Буюк Британия, Янги Зеландия, АҚШ ва Япония Тинч океани минтақасида янги иттифоқ тузилганини эълон қилди. Бу ҳақда тегишли баёнот Оқ уй расмий сайтида хабар берилди.
Мазкур иттифоқ “Мовий Тинч океанидаги ҳамкорлар” деб номланган. У иқлим муаммолари, Тинч океанидаги хавфсизлик ва транспорт тармоқларини ривожлантириш масалаларини ҳал қилади.
“Биз Тинч океанида фаровонлик, барқарорлик ва хавфсизликни таъминлашда давом этар эканмиз, яқинроқ ҳамкорлик орқали жамоавий кучимизни ишга солишимиз керак”,— дейилади Оқ уй баёнотида.
Маълум қилинишича, бу ташаббусга бошқа давлатлар, жумладан, Жанубий Корея, Канада ва Германия ҳам қизиқиш билдирган.
Эслатиб ўтамиз, 2021 йил сентябрь ойида АҚШ, Буюк Британия ва Австралия Хитойга қарши AUKUS деб номланган янги блок ташкил этилишни эълон қилганди.
