Навоийдаги “Тўдакўл”га дам олиш учун борган йигит тўсатдан вафот этди
Ҳолат юзасидан вилоят ИИБ муносабат билдирди.
Навоий вилоятининг Қизилтепа туманидаги “Тўдакўл” дам олиш масканида 25 июнь куни дам олиш учун келган йигит тўсатдан вафот этди. Ҳолат бўйича вилоят ИИБ ахборот хизмати расмий муносабат билдирди.
Қайд этилишича, соат 15:45 ларда Қизилтепа туман тиббиёт бирлашмасига 2006 йилда Навоий шаҳрида туғилган вояга етмаган Н. Д. “Тўдакўл” дам олиш масканига бориб, тўсатдан вафот этганлиги тўғрисида хабар келиб тушган.
Суд-тиббий экспертиза хулосасига кўра, ўсмир “тўсатдан ўлим синдроми, ўткир юрак-қон томир нафас етишмовчилиги” оқибатида вафот этган. Ҳолат юзасидан суриштирув ҳаркатларини туман прокуратураси олиб бормоқда.
