Наманганда Нексия–3 юк машинаси билан тўқнашиб кетди
Ҳодиса оқибатида икки киши шифохонага ётқизилган.
Наманган вилоятининг Поп туманида 27 июнь куни иккита автомашина иштирокида йўл-тпанспорт ҳодисаси содир бўлди. Ҳолат юзасидан ИИВ ЙҲХХ маълумот берди.
Ҳодиса бугун соат 08:30 ларда Поп тумани ҳудудидан ўтувчи А-373 автомобиль йўлининг 234-километрида юз берган. 2002 йилда туғилган ҳайдовчи Н. Ё. Нексия–3 русумли автомобилни бошқариб кетаётиб, ҳаракат хавфсизлигини таъминлай олмай, йўл четида тўхтаб турган ҳайдовчи, 1995 йилда туғилган М.Қ. бошқарувидаги “Isuzu” русумли юк автомобилининг орқа томонига тўқнашган.
Автаҳлокат оқибатида Нексия ҳайдовчиси ва йўловчиси тан жароҳати билан шифохонага ётқизилган.
Мазкур ЙТҲ юзасидан Поп тумани ИИБ ЖХХ ЙҲХБ ходимлари томонидан суриштирув ҳаракатлари олиб борилмоқда.
