АҚШда йўловчи поезд релсдан чиқиб кетди
Оқибатда 3 киши ҳалок бўлган, 50 киши жароҳатланган.
АҚШнинг Миссури штатида йўловчи поезди билан юк машинаси ўртасида содир бўлган йўл транспорт ҳодисаси туфайли уч киши ҳалок бўлди, ўнлаб фуқаро жароҳатланди. Бу ҳақда “BBC” хабар берди.
Маълум қилишича, Лос-Анжелесдан Чикагога кетаётган “Southwyest Chief” йўловчи поезди Мендон яқинидаги темирйўл кесишмасида юк машинасига бориб урилган.
Ҳодиса оқибатида еттита вагон, икки локомотив релсдан чиқиб кетган. Воқеа жойига Миссури штати фавқулодда экипаж аъзолари етиб келгани айтилмоқда. Йўл-патрул хизмати ходимлари тўқнашув ортидан поездда икки нафар, юк машинасида эса бир нафар фуқаро қурбон бўлганини тасдиқлади.
Ахборотда қайд этилишича, поездда бўлган 243 йўловчи ва 12 экипаж аъзосидан камида 50 киши жабрланган.
