Наманганда 3 та автомашина ўзаро тўқнашиб кетди
Ҳодиса оқибатида 1 киши шифохонага ётқизилган.
Ижтимоий тармоқда Наманган вилоятининг Уйчи йўлида 3 та мaшина иштирокида ЙТҲ рўй бергани ҳақида хабар тарқалди. Холат юзасидан вилоят ИИБ ЙҲХБ расмий муносабат билдирди.
Маълум бўлишича, 28 июнь куни соат 11:15 ларда Наманган-Уйчи-Учқўрғон йўлининг 8,5-километрида Ваз-2106 русумли транспорт воситасини Учқўрғон йўналиши бўйлаб бошқариб кетаётган ҳайдовчи ҳаракат хавфсизлигини таъминлай олмай, қарама-қарши томонга ўтиб кетган ва Наманган йўналиши бўйлаб келаётган Ласетти автомашинаси билан тўқнашув содир этган. Шундан сўнг Ласетти автомашинаси йўлнинг ўнг томон четида тўхтаб турган Дамас русумли транспорт воситасига бориб урилган.
Ҳодиса оқибатида автомашиналар техник шикастланган. Ваз-2106 ҳайдовчиси тан жароҳати билан шифохонага ётқизилган.
