Самарқандда валютафуруш ушланди
У 3,7 минг АҚШ долларини сўмга сотаётган вақтида қўлга тушган.
Тойлоқ туманида ноқонуний валюта савдоси билан шуғулланувчи фуқаро ушланди, дея хабар бермоқда Бош прокуратура ҳузуридаги Иқтисодий жиноятларга қарши курашиш департаменти.
Қайд этилишича, Департаментнинг Самарқанд вилоят бошқармаси ҳамда Миллий гвардия ходимлари ҳамкорлигида тезкор тадбир ўтказилган. Унда Тойлоқ тумани Чароғбон маҳалласида валюта қимматликларини муомалага киритиш фаолияти шуғулланиб келаётган М. Ш. бошқа бир фуқаро Э. га жами 3700 АҚШ долларини 40,3 млн сўмга сотган вақтида ашёвий далиллар билан қўлга олинган.
Ҳозирда мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.
