АҚШ Европага қўшимча кучлар жойлаштиради
Бу контингент Украина можароси якунлангандан кейин ҳам қитъада қолади.
29 июнь куни АҚШ Европага янги ҳарбий контингентлар жойлаштирилишини эълон қилади. Бу ҳақда Жозеф Байденнинг миллий хавфсизлик бўйича маслаҳатчиси Жейк Салливан маълум қилди.
"Чоршанба куни узоқ муддатга жойлаштириладиган қуруқлик, ҳарбий-денгиз ва ҳарбий-ҳаво кучлари ҳақида расман эълон қилинади", — деган у.
Асосий контингент Болқон, Болтиқ минтақалари ҳамда Россия билан чегарадош Шарқий Европада жойлашади. Маслаҳатчининг қайд этишича, НАТО бу бўйича ўз зиммасига тарихий мажбуриятлар тўпламини олади. Бу қўшинлар Украина можароси якунлангандан кейин ҳам шу ерда қолади.
Салливаннинг қўшимча қилишича, бу нафақат Россия хатти-ҳаракатлари балки стратегик реалликдаги ўзгаришлар туфайли амалга оширилмоқда.
Бундан ташқари, Испания жанубидаги АҚШ флоти базасига яна икки эсминец қўшилади.
Аввалроқ НАТОнинг Мадриддаги саммитга старт берилганди.
