Самарқанддаги “Зарафшон” миллий боғига ўт кетди
Ҳолат бўйича вилоят ФВБ маълумот берди.
Бугун, 29 июнь куни Самарқанд вилоятининг Жомбой туманидаги “Зарафшон” миллий табиат боғи ҳудудида ёнғин содир бўлди. Бу ҳақда вилоят Фавқулодда вазиятлар бошқармаси Матбуот хизмати хабар бермоқда.
Қайд этилишича, соат 13:15 да Жомбой тумани “Зарафшон” МФЙ ҳудудидаги “Зарафшон” миллий табиат боғига қарашли ўрмонда ёнғин содир бўлаётганлиги тўғрисида туман ФВ бўлимига хабар келиб тушган.
“Ёнғин жойига ЁҚЕлари соат 13:27 да етиб бориб, соат 14:40 да қуршаб олган ва ёнғин соат 17:00 да бартараф этилган. Ёнғинни бартараф этишга ФВБ нинг 6 та ёнғин-қутқарув экипажи жалб этилган”,—дейилади хабарда.
Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда.
