Бўстонлиқ тоғларида 5 киши йўқолиб қолди
Улар ярим тунда йўлдан адашиб, пастга туша олишмаган.
Бугун, 30 июнь куни Тошкент вилоятининг Бўстонлиқ туманида 5 нафар фуқаро тоғда адашиб қолди. Бу ҳақда вилоят ФВБ ахборот хизмати хабар бермоқда.
Қайд этилишича, соат 00:30 беш нафар фуқаро Бўстонлиқ туманидаги тоғларда йўлдан адашиб колиб, пастга тушб олишда ёрдам сўраб да Тошкент вилояти Фавқулодда вазиятлар бошқармасининг Тезкор бошқарув марказига мурожаат қилган.
Шунга асосан, манзилда адашиб қолган фуқароларни излаб топиш ва уларни қутқариш Белдерсой тоғининг Қумбелсой ҳудудида амалга оширилган. Қидирув-қутқарув ишларига Чимён ёнғин-қутқарув отрядининг бир гуруҳ қутқарувчилари жалб қилинган.
Қутқарувчиларнинг саъй-ҳаракатлари натижасида йўлдан адашган беш нафар фуқаролар топилиб, соғ-саломат пастга олиб тушилди.
