Оролбўйига АҚШдан 2 мингдан ортиқ тиббиёт ускуналари олиб келинди
Бу “Project C.U.R.E.” хайрия жамғармаси томонидан етказиб келинди.
АҚШда жойлашган “Project C.U.R.E.” хайрия жамғармаси Оролбўйидаги тиббиёт муассасалари учун 16.8 тонна гуманитар ёрдам жўнатди. Бу ҳақда “Дунё” АА хабар берди.
Ўзбекистоннинг АҚШдаги элчихонаси маълумотларига кўра, 4 контейнерда 2.9 минг дона тиббиёт ускуналари олиб келинган. Улар УЗИ, ўпкани сунъий шамоллатиш, кислород конденцаторлари, рентген сканерлари, чақалоқлар учун интенсив терапия инкубаторлари ва бошқа мосламалардан иборат.
Ушбу гуманитар ёрдам Ўзбекистоннинг АҚШдаги элчиси Жавлон Ваҳобов ва “Project C.U.R.E.” Дуглас Жексон ўртасидаги келишув асосида Қорақалпоғистонга етказиб берилди. Ҳозирда яна бир партия гуманитар кўмак тайёрланяпти.
Аввалроқ Европа Иттифоқи Орол денгизи экотизимини тиклашга ёрдам бериши тўғрисида хабар берилганди.
