Хитой НАТОнинг янги концепциясини кескин танқид қилди
Бу ҳужжатда Пекин альянснинг рақобатчиси сифатида белгиланган.
Хитой НАТОнинг янги стратегик концепцияси юзасидан хавотир ва норозилик билдирди. Бу ҳақда ХХР ташқи ишлар вазирлиги расмий вакили Чжао Лицзянь маълум қилди.
29 июнь куни қабул қилинган альянснинг янги бош ҳужжатида Россия энг йирик таҳдид сифатида тан олинган бўлса, Хитой тизимли чақириқ ва рақобатчи деб қайд этилган.
“НАТОнинг ўзи дунёдаги тинчлик ва барқарорликка тизимли чақириқ саналади. Биз очиқ айтмоқчимиз: альянснинг Хитой таҳдиди ҳақидаги ваҳималари бекорга қилинаётган ҳаракатлардир. НАТО асоссиз танқидлардан воз кечиши, совуқ уруш менталитетидан қутулиши керак”, — деган дипломат.
Аввалроқ Буюк Британия бош вазири Россия чегаралари олдида янада “кўпроқ НАТО” бўлишини айтганди.
