Шавкат Мирзиёев Қорақалпоғистонга жўнаб кетгани айтилмоқда

 

Бугун, 2 июль куни Ўзбекистон Республикаси Президенти  Шавкат Мирзиёев Қорақалпоғистонга жўнаб кетди. Flight Radar сервиси президент самолётидан ташқари ҳукуматнинг яна бир нечта самолёти Нукусга қараб йўлга чиққанини кўрсатмоқда.

 

Эслатиб ўтамиз,  кеча, 1 июль куни Нукус шаҳрида оммавий митинг бўлиб ўтганди. ИИВ хабарига кўра, бунга республикада амалга оширилаётган конституциявий ислоҳотларни нотўғри талқин қилиниши сабаб бўлган ва бир гуруҳ фуқаролар кутилмаганда кўча юришларини ташкил қилиб, Нукуснинг Марказий деҳқон бозорида тўпланиб, намойишлар уюштиришган.

 

2 июль куни Қорақалпоғистон парламенти, ҳукумати ва Ички ишлар вазирлиги қўшма баёнот чиқариб, Нукус шаҳрида бир гуруҳ жиноятчи шахслар Қорақалпоғистон Республикасининг давлат бошқаруви органларини эгаллашга уринишда ифодаланган ғайриқонуний ҳаракатларни ташкил этган.

 

Улар популистик шиорларни ниқоб қилиб олиб, фуқароларнинг онги ва ишончини манипуляция қилиб, тартибсизликлар ташкилотчилари ҳокимият вакилларининг қонуний талабларига бўйсунмай, республика фуқароларини Қорақалпоғистон Республикасининг маъмурий бинолари олдидаги майдонга йиғган.

 

Ҳуқуқни муҳофаза қилиш органлари томонидан қабул қилинган қатъий чоралар билан ташаббускорларнинг ғайриқонуний ҳатти-ҳаракатлари тўхтатилиб, оммавий тартибсизлик уюштиришга уринишлар тарқалишига чек қўйилган.