Конституциявий қонун лойиҳасининг умумхалқ муҳокамаси 15 июлгача узайтирилди

 

Унда депутатлар «Ўзбекистон Республикасининг Конституциясига ўзгартиш ва қўшимчалар киритиш тўғрисида»ги Конституциявий қонун лойиҳасининг умумхалқ муҳокамаси билан боғлиқ масалани кўриб чиқиляпти.

 

Маълумки, 24 июнь куни Ўзбекистон Республикаси Олий мажлиси қонунчилик палатаси Ўзбекистон Республикаси конституциясига ўзгартириш ва қўшимчалар киритиш тўғрисидаги конституциявий қонун умумхалқ муҳокамасига қўйилган эди. Шу кунга қадар ушбу қонун мазмунини тушунтириш мақсадида қатор ишлар амалга оширилди.

 

Олий Мажлис Қонунчилик  палатаси депутати Жаҳонгир Шириновнинг сўзларига кўра, шу кунга қадар давлат ва нодавлат телеканалларида конституцион ислоҳотларга бағишланган 2 минг мартада ортиқ ёритилди. Интернет нашрларида ушбу масалага оид 10 мингдан ортиқ материаллар эълон қилинди.

 

Ширинов Президентнинг 2 июль куни Нукусда Қорақалпоғистоннинг ҳуқуқий мақомига оид моддаларни ўзгартиришсиз қолдириш таклифини қўллаб-қувватлашни таклиф қилди. Шунингдек, умумхалқ муҳокамасини 15 июлга қадар узайтириш тавсия қилинди. Ушбу таклиф депутатлар томонидан қўллаб-қувватланди.