Жанубий Кореяда инфляция ўсиши 1998 йилги кўрсаткичга етди
Бунга қатор маҳсулотлар нархи кўтарилиши сабаб бўлган.
Корея Республикасида июнь ойида инфляция 6 фоизни ташкил этди. Бу 1998 йил ноябридан буён қайд этилган энг катта кўрсаткич ҳисобланади.
Май ойида истеъмол нархлари ўсиши темпи 5.4 фоиз бўлган. Июнда эса бу 6 фоизгача кўтарилди.
Бундай катта кўрсаткичларга энергетик ресурслар ва озиқ-овқат нархлари, пандемиядан кейин талабнинг ошиши ва глобал етказиб бериш занжирларининг бузилиши сабаб бўлган.
Жанубий Корея молия вазирлиги маълумотларига кўра, йил охирида инфляция 4.7 фоизни ташкил этиши мумкин.
Аввалроқ Евроиттифоқда йиллик инфляция 8,1 фоизга етгани тўғрисида хабар берилганди.
