Россия технологиялар бўйича кўпроқ Ғарбга муҳтож — Боррель
европа бош дипломати Москванинг технологик қарамлиги тўғрисида гапирди.
Россия Хитойдан кўра, Европа ва АҚШ технологияларига кўпроқ муҳтож. Бу ҳақда Евроиттифоқнинг ташқи ишлар ва хавфсизлик бўйича олий комиссари Жозеп Боррель маълум қилди.
“Кимдадир санкциялар ҳақиқатдан ҳам Россия иқтисодиётига таъсир қиляптими, деган савол пайдо бўлиши мумкин. оддий жавоб — ҳа. Россия катта миқдорда хомашё сотади, аммо ўзи ишлаб чиқара олмайдиган кўплаб қўшимча қийматли маҳсулотларни импорт қилади. Юқори технологияларга келадиган бўлсак, Москва 45 Европадан, 21 фоиз АҚШдан бу турдаги товарларни сотиб олади. Бу йўналишда Хитойнинг кўрсаткичи бор-йўғи 11 фоизни ташкил этади”, – дейилади дипломатнинг Yomiuri газетасида эълон қилган мақоласида.
Боррелнинг фикрича, Хитой ҳозирда Москвага чекланган ҳамда маҳсулотлар таклиф қилмоқда, бу айниқса, юқори технологик товарларга тааллуқли.
“Ривожланган давлатларга экспортга қарам бўлган Хитой шу пайтга қадар Ғарб санкцияларини чеклаб ўтиб Россияга ҳеч қандай ёрдам таклиф қилмади. Унинг РФга экспорти Ғарб давлатлари экспортичалик қисқариб кетди”, – деб қайд этган Олий комиссар.
Аввалроқ Моравецкий Россия санкцияларга қарши муваффақиятли қаршилик қилаётгани тўғрисида айтганди.
