Борис Жонсон истеъфога чиқишини эълон қилди
У янги раҳбар тайинланмагунича Буюк Британия бош вазири сифатида ишлашда давом этади.
Борис Жонсон Буюк Британия бош вазири лавозимини тарк этишини эълон қилди.
“Консерватив партия депутатларининг иродаси аниқ – бу партияда янги етакчи ва янги бош вазир бўлиши керак. Янги раҳбарни танлаш жараёни ҳозирдан бошланиши керак ва мен сана келаси ҳафта эълон қилиниши кераклигига қўшиламан", деди у Даунинг-стритдаги баёнотида.
Шунингдек, у “янги раҳбар аниқланмагунча” Буюк Британия бош вазири сифатида ишлашда давом этишини айтди. Британия ОАВлари Жонсоннинг яқинлашиб келаётган истеъфога чиқишининг асосий сабаби сўнгги ойларда унинг атрофидаги қатор можаролар деб ҳисоблайди.
2021 йил май ойида COVID-19 муносабати билан жорий қилинган қаттиқ блокировка даврида Жонсон ва бир қатор амалдорлар
Даунинг-стритдаги зиёфатда қатнашган.Бу эса кўплаб этирозларга сабаб бўлди.
