Навоийда 15 ёшли бола дарёга чўкиб, вафот этди
Унинг жасади орадан 3 кун ўтиб топилган.
Навоий вилоятининг Кармана туманида яшовчи 15 ёшли ўсмир Зарафшон дарёсига чўкиб, вафот этди. Бу ҳақда “Ёшлар” телеканалининг “Янги давр” информацион дастурида хабар қилинди.
Маълум қилинишича, Кармана туманидаги Азамат маҳалласида яшовчи Т. Ш. жорий йилнинг 5 июль куни икки нафар тенгдоши билан қишлоғидан оқиб ўтувчи Зарафшон дарёсига чўмилишга борган ва чўкиб кетган.
Бу бўйича 16 нафар қутқарувчидан иборат гуруҳ ташкил этилиб, воқеа жойига жўнатилган.Ўсмирнинг жасади орадан уч кун ўтиб, 8 июль куни у чўмилишга борган жойдан 1 километр узоқликдан топилган.
Айни пайтда мазкур ҳолат сабаблари Ички ишлар ҳамда прокуратура органлари томонидан ўрганилмоқда.
