Байден Саудияга ташрифидан кўзланган мақсадни айтди

 

АҚШ Президентининг Саудия Арабистонига ташрифи Вашингтоннинг Пекин ва Москва билан қарама-қаршилигида муҳим аҳамиятга эга. Бу ҳақда Жозеф Байден маълум қилди.

 

“Янада хавфсиз ва бирлашган Яқин Шарқ америкаликларга кўп соҳаларда фойда олиб келади. Унинг сув йўллари биз таянадиган етказиб бериш занжирлари ва халқаро савдода ҳал қилувчи аҳамиятга эга. Минтақанинг энергетик ресурслари Россия ва Украина можаросидан кейинги вазиятни юмшатишда ўта зарур”, – деган Оқ уй раҳбари.

 

Унинг қўшимча қилишича, Саудия Арабистонига ташрифидан кўпчилик норози. Аммо президентнинг фикрича, бу стратегик жиҳатдан катта аҳамиятга эга. Байден Россия ва Хитой билан қарама-қаршилик ва рақобатда дунёнинг энг муҳим минтақасидаги барқарорлик зарур эканлигини таъкидлаган.

 

“Ушбу вазифаларни амалга ошириш учун минтақадаги жараёнларга таъсир ўтказа оладиган давлатлар билан ҳамкорлик қилиш лозим. Саудия Арабистони — шундай давлатлардан бири”, – деб қайд этган АҚШ етакчиси.

 

Аввалроқ Байденнинг Саудияга ташрифи тўғрисида қўшимча маълумот берилганди.