Косондаги умумий овқатланиш масканида ёнғин чиқди
Ҳодиса ошхонанинг кабоб тайёрлаш учун мўлжалланган айвонида юз берган.
Ижтимоий тармоқда Қашқадарё вилоятининг Косон туманидаги тўйхоналардан бирида ёнғин чиққани акс этган видеолавҳа тарқалди. Ҳолат юзасидан вилоят Фавқулодда вазиятлар бошқармаси ахборот хизмати расмий маълумот берди.
Маълум қилинишича, Косон тумани ФВБ ҳамда туман газ идораси ходимлари томонидан воқеа содир бўлган жой ўрганилган. Ушбу видеодаги ҳолат аслида 9 июль куни Косон тумани “Месит” МФЙ ҳудудида жойлашган фуқаро У .Р. га қарашли умумий овқатланиш масканида содир бўлган. Ошхонанинг кабоб тайёрлаш учун мўлжалланган айвонида очиқ оловдан эҳтиёцизлик оқибатида ёнғин келиб чиққан.
Ёнғин ошхона ишчилари томонидан ўчириб олинган. Ҳодиса оқибатида айвонга туташ бўлган гўшт дўконининг том қисми бироз зарарланган.
