Хитойда вабо аниқланди
Ухан шаҳрида касалликнинг илк ҳолати қайд этилди.
Хитойнинг Ухан шаҳрида вабо касаллиги аниқланди. Бу ҳақда “Sinxua” агентлиги касалликларни назорат қилиш ва олдини олиш бўйича маҳаллий штабига таяниб хабар берди.
9 июль куни Ухан университети ётоқхонасида вабо касаллигини юқтириши эҳтимоли бўлган бемор аниқланган. Беморда диарея, қусиш, иситма каби симптомлар кузатилган. Текширувлардан сўнг ҳолатга вабо ташхиси қўйилган. Бемор ҳозирда шифокор назорати остида.
Маҳаллий ҳокимият органлари Ухан университетига санитария-эпидемиология назоратини кучайтириш, ушбу университет талабалари ва ўқитувчилари ўртасида ичак юқумли касалликларининг олдини олиш ҳамда назорат қилиш бўйича кенг тушунтириш ишларини олиб боришни тавсия қилди.
