Йил охиригача дунё аҳолиси 8 млрдга етади
Аҳоли сони бўйича Ҳиндистон Хитойни ортда қолдиради.
2022 йил 15 ноябрда дунё аҳолиси саккиз миллиардга етади. Бу ҳақда БМТнинг янги ҳисоботида маълум қилинди. Ҳужжатда, шунингдек, Ҳиндистон 2023 йилда Хитойни ортда қолдириб, дунёнинг энг кўп аҳолиси бўлган давлати бўлиши айтилган.
Бирлашган Миллатлар Ташкилотининг Иқтисодий ва Ижтимоий Департаменти маълумотига кўра, ҳозирда дунё аҳолиси 1950-йилдан бери энг паст суръатда ўсмоқда. 2030 йилда аҳоли 8,5 миллиардга, 2050 йилда эса 9,7 миллиардга етиши кутилмоқда. 2080 йилларда инсоният 10,4 миллиард кишига етиши мумкин.
Бир қатор ривожланаётган мамлакатларда туғилиш кўрсаткичларининг аниқ пасайиши кузатилди. Келгуси ўн йилликларда дунё аҳолисининг прогноз қилинаётган ўсишининг деярли ярми саккизта давлатга тўғри келади: Конго Демократик Республикаси, Миср, Эфиопия, Ҳиндистон, Нигерия, Покистон, Филиппин ва Танзания.
Эслатиб ўтамиз, социологларнинг уруш туфайли Украина аҳолиси 30 миллион кишигача камайиши мумкинлигини айтганди.
