“Университет” хиёбонидаги бирорта дарахт кесилмайди—ҳокимлик
Самарқанд шаҳрида дарахтлар кесилгани бўйича расмий муносабат билдирилди.
Ижтимоий тармоқларда Самарқанд шаҳридаги “Университет” хиёбонида дарахт шохлари кесиб ташланаётгани ва уларга шикаст етказилаётгани ҳақида хабарлар тарқалди. Ҳолат юзасидан вилоят ҳокимлиги расмий муносабат билдириб, у ердаги биронта дарахт кесилмаслигини маълум қилди.
Қайд этилишича, нафақат “Университет” хиёбони, балки шаҳардаги ҳар битта кичик дарахтнинг тақдири назоратга олинган ва уларга ўзбошимчалик билан зарар етказишга йўл қўйилмайди.
Ҳокимлик “Университет” хиёбонидаги ҳолатга изоҳ бериб, у ерда дарахт кесилиши кўзда тутилмаганини билдирди.
“Дарахтларнинг қуриган, нотартиб ҳолатга келган ва албатта у қадар йирик бўлмаган шохлари кесилмоқда”, — дейилади хабарда.
