ЖССТ яна ниқоб режимига қайтишга чақирди
Бу дунёда пандемия авж олаётгани билан боғлиқ.
Жаҳон соғлиқни сақлаш ташкилоти раҳбари Тедрос Гебреесус бутун дунё ҳукуматларини COVID-19 дан вафот этганлар сони ортиб бораётгани сабабли ниқоб режимига қайтишга чақирди. Бу ҳақда “Sky News” телеканали хабар берди.
ЖССТ раҳбарининг таъкидлашича, “Omicron” штаммининг вариантлари бутун дунё бўйлаб касалликнинг янги тўлқинларини келтириб чиқаришда давом этмоқда.
Унинг айтишича, ниқоб тақиш ва биноларни тез-тез шамоллатиш каби синовдан ўтган чораларни яна қўллаш керак.
