Орбан: Европа санкциялар сиёсатининг хато эканини тан олиши керак
Венгрия бош вазири Россияга қарши чекловларни тўхтатишга чақирди.
Евроиттифоқнинг Россияга қарши санкциялари Украинага ёрдам бермаяпти. Бу ҳақда Венгрия бош вазири Виктор Орбан маълум қилди.
“Санкциялар сиёсатига содиқ давлатлар бор, аммо Брюссель бунинг хато эканини, бу сиёсат ўзини оқламаганини ва акс таъсирга эга бўлганини тан олиши керак”, – деган у.
Венгрия ҳукумати раҳбарининг сўзларига кўра, иқтисодий чекловлар Европага кўпроқ зарар келтирмоқда. Шунингдек, сиёсатчи Будапешт Москвага қарши санкцияларга доимо қарши бўлиб келганини таъкидлаган.
Аввалроқ Венгрия Россияга қарши санкция жорий этишни тўхтатишга чақирганди.
