“Катта йигирматалик” молия вазирлари учрашувида якуний баёнот қабул қилинмайди
Бунга давлатларнинг Россия бўйича турли позициялари сабаб бўлган.
G20 давлатларининг молия вазирлари ва Марказий банк раҳбарлари учрашуви бўйича якуний коммюникесиз тугатилади. Бу ҳақда Reuters хабар берди.
Бунга Россиянинг Украинадаги хатти-ҳаракатларига нисбатан икки хил қараш сабаб бўлган. дипломатик манбаларнинг маълумотига кўра, Индонезия молия вазири Сри Индравати йиғилиш якунлари бўйича якуний баёнот беради. Вазирларнинг апрель ойида ўтказилган учрашувида ҳам якуний коммюнике қабул қилинмаган эди.
Бали оролида бўлиб ўтаётган тадбир олдидан АҚШ молия вазири Жанет Йеллен Москванинг Украинадаги вазият туфайли учрашувда иштирок этиш ҳуқуқи йўқлигини, Россия вакилига бу ерда ўрин йўқлигини айтганди. Шунга қарамай, РФ делегатлари чиқиши пайтида ҳеч ким учрашув залини тарк этмаган. Апрель ойида Россия вакиллари нутқи давомида Ғарб давлатларидан иштирокчилар мажлисдан чиқиб кетганди.
Аввалроқ Россия ўз нефтини миллий платформа орқали сотиши мумкинлиги тўғрисида хабар берилганди.
