Навоийда 32 ёшли фуқаро дарёга чўкиб, вафот этди
Ҳодиса “Зарафшон” дарёсида содир бўлган.
Бугун, 16 июль куни Навоий вилоятининг Кармана туманида дарёга чўмилиш учун борган бола чўкиб кетиб, вафот этди. Бу ҳақда вилоят фавқудодда вазиятлар бошқармаси матбуот хизмати хабар қилмоқда.
Маълум қилинишича, Навоий шаҳар “Тинчлик” МФЙда яшовчи 32 ёшли фуқаро Кармана тумани “Каттамачид” МФЙ ҳудудидан оқиб ўтувчи “Зарафшон” дарёсига чўмилиш мақсадида сувга тушиб, ўзининг эҳтиётсизлиги оқибатида чўкиб кетган.
Зудлик билан ҳодиса жойига ФВБ қутқарувчилари етиб борган. Олиб борилган сувда қидирув ишлари натижасида фуқаронинг жасади соат 17:00 да у чўккан жойдан тахминан 10 метр узоқликдан топилиб, тегишли хизматларга топширилган.
“Тақиқланган жойларда чўмилиш ҳаёт учун хавфли экалигидан келиб чиқиб, Фавқулодда вазиятлар вазирлиги аҳолидан чўмилиш қоидаларига қатъий риоя этишни сўраб қолади”, — дейидади хабарда.
