АҚШда инсон миясига чип ўрнатилди
У мия фaолиятини назорат қилишга мўлжалланган.
Нью Йоркда 48 ёшли фалаж беморнинг миясига рақамли қурилмаларни телепатик йўл билан бошқариш имконини берувчи, стендрон кўринишидаги тўрт сантиметрли чип ўрнатилди. Бу ҳақда “Daily Mail” нашри ёзмоқда.
Бу амётрофик латерал склероз билан касалланган ва фалаж бўлган бемор учун доимий мия-компьютер интерфейсининг биринчи имплантацияси ҳисобланади. Маҳсулот “Synchron” компанияси томонидан ишлаб чиқилган.
Мия-компьютер интерфейсида 16 та электрод мавжуд бўлиб, улар мия фаолиятини назорат қилади ва одам бирор нарса ҳақида ўйлаганида нейрон фаоллигини қайд этади. Ушбу имплант беморнинг кўкрагига ўрнатилган бошқа қурилмага уланади. Янги технология туфайли одам миядан сигналларни компьютер ёки смартфон каби рақамли қурилмаларга узатиши ва шу тариқа уларни бошқариши мумкин бўлади.
