Ўзбекистон жиноятчилик рейтингида нечанчи ўринни эгаллади?
Республика ўз ўрнини уч поғонага яхшилаган.
Numbeo жиноятчилик даражаси бўйича мамлакатлар рейтингини эълон қилди.
Рейтингда Жиноятчилик даражаси 20 дан паст бўлса “жуда паст”, 20 дан 40 гача бўлса "паст", 40 дан 60 гача бўлса "ўртача", 60 дан 80 гача бўлса "юқори", 80 дан юқори бўлса “жуда юқори” деб баҳоланади.
Рўйхатда энг юқори кўрсаткичлар Венесуэла (83.16), Папуа-Янги Гвинея (80.26)ва Афғонистонга (78.19)“насиб қилган”. Қатар, БАА ва Тайванда энг кам жиноятлар содир этилиши қайд этилган.
Ўзбекистон жиноятчилик даражаси паст бўлган давлатлар қаторига киритилган. Республика индекси 33.68 деб топилган, у Норвегия ва Қатар билан бир қатордан ўрин олган. Эътиборлиси, Ўзбекистон 2021 йилда 101 ўринни эгаллаган бўлса, бу йил 3 поғонага ўз ўрнини яхшиланган. Марказий Осиё давлатлари ичида жиноятчилик кўрсаткичи энг паст бўлган давлат ҳам Ўзбекистон бўлди.
Давлат статистика қўмитаси расмий сайтида жойлаштирилган очиқ маълумотларга асосан, 2021 йилда Республикада жами 111082 та жиноят рўйхатга олинган. Жиноят содир этган шахслар сони эса ўтган йили 80303 тани ташкил этган.
