Истанбулда имзоланган келишув Украинага нималар беради?
Экспортга мўлжалланган 20 миллион тоннадан ортиқ дон Россия томонидан тўсиб қўйилган эди.
Украина президенти девонининг вакили Андрей Сибига дон йўлаги бўйича имзоланган ҳужжатни эълон қилди.
“Бугун биз бу йўналишда жуда муҳим қадам ташламоқдамиз. Истанбулда ғалла ва бошқа маҳсулотларни хавфсиз ташиш учун гуманитар коридор яратиш ташаббуси имзоланди. Украина портлари – Одесса, Чорноморск ва Южний орқали”, — деб ёзади Сибига.
Президент девони вакили ушбу ташаббус узоқ вақт давомида асосий иттифоқчилар билан тайёрланиб, муҳокама қилингани ва улар томонидан қўллаб-қувватланганини алоҳида таъкидлаган.
“Украина томонидан ғалла экспортининг блокировкасини олиб ташлаш, биринчи навбатда, Украина аграр секторининг кейинги фаолиятининг кафолатидир. Россиянинг Украинага ҳужуми натижасида экспортга мўлжалланган 20 миллион тоннадан ортиқ дон тўсиб қўйилди”, — дейилади ҳужжат эълон қилинган хабарда.
