Ўзбекистон Япония меҳнат бозорига кириб бормоқда
Бу бўйича томонлар келишувга эришган.
Ўзбекистонлик мигрантлар эндиликда Японияда меҳнат қилиши мумкин. Бандлик ва меҳнат муносабатлари вазирлиги Япония томони билан тегишли келишувга эришган.
21 июль куни Япония—Ўзбекистон ўртасида меҳнат муносабатлари ва касбий таълимни ривожлантириш истиқболларига бағишланган иккинчи меҳнат форумида бу бўйича маълумот берилган. Вазирлик ахборот хизмати раҳбари Мавжуда Мирзаеванинг сўзларига кўра, августда 47 нафар ўзбекистонлик “кунчиқар мамлакат”га жўнаб кетади. Қайд этиш жоизки, Ўзбекистон Японияга ишчи олиб кириш имкониятига эга бўлган ўн бир давлатдан бирига айланган.
Мавжуда Мирзаеванинг қўшимча қилишича, япон меҳнат бозорига кириш ўта мураккаб. Ўзбекистон жами 1000 нафар ишчига квота олган.
