"Хавотирингиз учун раҳмат... Мен доимгидек иш билан бандман!" - Жо Байден
COVID-19'га чалинган Байденнинг аҳволи ҳақида маълумот берилди.
Коронавирус билан касалланган АҚШнинг 79 ёшли президенти Жо Байден ўзини яхши ҳис қилаётганини ва фаол ишлашда давом этаётганини айтди. Бу ҳақда Interfax.ru хабар берди.
"Мен яхшиман. Хавотирингиз учун раҳмат... Иш билан бандман!" - деб ёзди Америка президенти ўзининг Тwиттер саҳифасида.
Аввалроқ Оқ уй матбуот котиби Карин Жан-Пер Байденнинг CОВИД-19 учун тести ижобий чиққани аммо ўз қароргоҳида ўз вазифаларини бажаришда давом этаётганини айтди. Унинг қўшимча қилишича, АҚШ президенти касалликнинг енгил аломатларини бошдан кечирмоқда ва "Пфизер" томонидан ишлаб чиқилган коронавирус препарати "Пахловид" таблеткасини қабул қила бошлаган.
Байденнинг шифокори Кевин ЎКоннор, ўз навбатида, Америка президентида касаллик аломатлари чоршанба куни кечқурун бурун оқиши, чарчоқ ва қуруқ йўтал каби аломатлар билан бошлангани айтди.
Маълумот учун: Байден COVID-19 вакцинасининг тўлиқ курсини олган.
